Aiza Seguerra itinalaga bilang bagong MTRCB Board Appeal Committee

Imahe mula sa Senator Ping Lacson/ABS CBN Facebook accountImahe mula sa Senator Ping Lacson/ABS CBN Facebook account

Itinalaga ni Pangulong Rodrigo Duterte si National Youth Commission chair Aiza Seguerra bilang bagong miyembro ng Movie and Television Review and Classification Board (MTRCB) Board Appeal Committee.

Ayon sa ulat ng Inquirer, ang kautusan ay nilagdaan ni Pangulong Duterte nitong Hunyo 14 na magtatalaga kay Aiza Seguerra, o Cariza Yamson Seguerra sa totoong buhay, bilang bagong miyembro ng MTRCB.

Matatandaang sinuportahan ni Seguerra si Duterte noong 2016 presidential elections. Pinalitan nito ang dating  NYC commissioner na si Earl P. Saavedra sa MTRCB.

Itinalaga rin ni Duterte sa MTRCB si Philip Yu Rodriguez bilang kapalit ni board member Alfred A. Yuson.

Ilan pa sa mga itinalaga ng Pangulo sina: Leopoldo Roberto Waay Valderosa Jr., bilang ad interim commissioner ng Civil Service Commission, vice Nieves L. Osorio; Roldan G. Gorgonio bilang Assistant Secretary ng Department of Agriculture, vice Allan Q. Umali;

Claudio Amoncio Ybañez, bilang Director III ng Department of Agrarian Reform, vice Letecia D. Canales; Marcos De Guzman Dacanay, bilang Director III ng Department of Environment and Natural Resources, vice Wilfredo C. Malvar; Maria Victoria Mercado Sarmiento bilang State Solicitor II sa Office of the Solicitor General, vice Rebecca April E. Khan.