Sara Duterte: “Wala akong planong­ tumakbo sa pagka-senador”

Image from Sara Duterte Facebook page

Tinuldukan na ni Davao City Mayor Inday Sara Duterte-Carpio ang mga ispekulasyon na tatakbo siya bilang Senador sa 2019 elections.

“Kuntento na ako sa pagbibigay-serbisyo sa mga taga Davao,” ayon sa Alkalde.

“Wala akong planong­ tumakbo sa pagka-senador dahil kontento na ako sa dito sa Davao, sa pagbibigay ng serbisyo sa mga kababayan ko,” saad pa nito.

Ayon sa ulat ng Abante, sinabi ni Sara na ito na rin ang huling termino niya bilang Alkalde ng Davao.

Aniya, ikinokonsidera rin ng Alkalde ang pagtakbo sa ibang posisyon sa lokal na pamahalaan ngunit sa kanila lamang ding lalawigan, at hindi sa national positions.

Ang Presidential daughter ay naging panauhing­ pandangal sa 18th Hinugyaw Festival at 78th Foundation Anniversary ng Koronadal City.

Sa survey na isinagawa ni Social Weather Stations (SWS) noong Disyembre 8-11 kabilang si Sara sa Magic 12 sa May 2019 senatorial elections.