Tagalized Chinese TV series, cartoons at documentaries, isasahimpapawid sa PTV

Imahe mula sa Embassy of People's Republic of China in the Philippines

Tinawag ni Chinese Ambassador to the Philippines Zhao Jianhua na “Dreamworks made in China” ang mga Chinese movies, TV series, cartoons at documentaries na nakatakdang isahimpapawid sa pinakamalaking government television network ng bansa.

Ayon sa ulat ng Inquirer, ang pahayag ay ginawa ni Jianhua noong Miyerkules, ika-13 ng Hunyo, sa inagurasyon ng China TV Theater sa Philippine Televison Network (PTV) na nasa ilalim ng Presidential Communications Operations Office.

Ani Jianhua, sa kauna-unahang pagkakataon ay mapapanood ng mga Pinoy ang Chinese TV series, pelikula, cartoons at mga documentaries na Tagalized o isinalin sa Tagalog.

Beijing (Imahe mula sa Embassy of People’s Republic of China in the Philippines)

Ang nasabing proyekto, sabi pa ng Chinese ambassador, ay isang bagong bintana na nabuksan para sa milyon-milyong tao sa Pilipinas upang mas lalong maunawaan ang Tsina, ang mga mamamayan nito, ang kanilang mahabang kasaysayan, mayamang kultura, araw-araw na buhay, ang kanilang mga pagsisikap at mga pangarap.

Chinese cartoons (Imahe mula sa Emabassy of People’s Republic of China in the Philippines)

Kabilang sa mga Chinese programs na ipalalabas ay ang pelikula tungkol kay Marco Polo, ang Italian merchant, writer at explorer na detalyadong nagsalaysay ng kanyang naging pakikipagsapalaran sa Tsina.

Marco Polo (Imahe mula sa Embassy of People’s Republic of China in the Philippines)
Loading...