Grade 11 student sa Baguio, wagi sa Science Writing competition sa Singapore

Imahe mula sa asianscientist.com
  • Wagi ang Grade 11 student na si Aimeirene Yzabel Ines sa isang Asian Scientist Writing competition
  • Isinulat niya ang tungkol sa mga bubuyog at ang unti-unti nilang pagkawala
  • Tatlo pang mga Pilipino ang nanalo rin sa kompetisyon

Isang high school student mula sa isang paaralan sa Baguio City ang nanalo sa Science Centre Singapore Youth Writing Prize 2019 sa ginanap na Asian Scientist Writing Prize sa Singapore kamakailan.

Imahe mula sa Facebook | Academia de Sophia International

Isinulat ng Grade 11 student ng Academia de Sophia International na si Aimeirene Yzabel Ines ang “Bee Change” na tumatalakay sa kahalagahan ng mga bubuyog. Tinalakay din nito ang colony collapse disorder na maaaring makaapekto sa survival ng mga bubuyog.  “I used to be terrified of bees. Now, I’m terrified when I don’t hear them any longer,” saad sa winning piece ni Ines.

Ang colony collapse disorder daw ay tumutukoy sa pagbaba ng bilang ng bee colonies dahil sa pagkawala ng milyong mga worker bees.

“CCD explains how without worker bees, queen and caretaker bees are left to starve and work on their own. The threats to these worker bees are things people rely on all the time. Insecticides are the most prominent threat in Asian countries. To keep pests away from farms, farmers use pesticides and insecticides that also kill or disorient bees,” dagdag pa nito.

Ang Science Centre Singapore Youth Writing Prize ay isang special category para sa mga may edad 13-18 bilang bahagi ng Asian Scientist Writing Prize.

Bukod kay Ines, tatlo pang mga Pilipino ang nagwagi sa nasabing kompetisyon. Iniuwi ni Mary Grace Nidoy, science research specialist ng Philippine Rice Research Institute ang merit award. Honorable mention naman sina Danielle Jorge Malantic, mag-aaral mula sa Philippine Science High School at Carissa Quintana, isang environmental professional.

Imahe mula sa Facebook | Academia de Sophia International

Nakatanggap umano ng mahigit 450 na entry ang patimpalak mula sa iba’t ibang bansa sa Asya.

“The entries we received were of high quality and gave uniquely Asian perspectives on the pressing challenges of climate change, loss of biodiversity and widespread polluti0n that society is facing today. The essays also highlight a sense of optimism — we can still come back from the brink of environmental disaster if we get the science right,” sabi ni Dr. Juliana Chan, editor-in-chief ng Asian Scientist Magazine na nagsilbing chair ng judging panel.

Loading…