Kathryn Bernardo binigyan ng dagdag na kulay at damdamin ang isang tula para sa mga frontliners

  • Ang tula ay isang mabisang sandata sa pagpaparamdam ng iba’t ibang emosyon ng tao
  • Sa isang tula na binigkas ng aktres na si Kathryn Bernardo, naiparamdam niya ang maraming emosyon bilang pagkilala sa mga dakilang frontliners
  • Madamdamin na binigyang-tinig ni Kathryn ang isang tula na tampok sa isang thank you video ng isang brand ng produkto

Boses ni Kathryn Bernardo ang nagbigay ng dagdag na kulay at damdamin sa tulang “Bituin” ni Carlo Hornilla para sa Met Tathione “thank you video” sa ating mga frontliners.

Imahe mula sa Instagram video ni Kathryn Bernardo

Buo at madamdamin ang boses ni Kathryn. Ramdam ang lungkot ngunit naroon ang pag-ibig at pag-asa sa tinig ni Kathryn. Malalim ang pinaghuhugutan niyang damdamin na maririnig sa mahigit isang minutong poetry video.

Ang video ay pagbibigay-pugay sa mga sakripisyong ginawa at patuloy na ginagawa ng mga frontliners na harap-harapang nilalabanan ang panganib na dulot ng COVID-19.

Ipinakita sa video ang mukha at pangalan ng mga frontliner na nagsisilbing mga bituin na tanaw ang kislap sa kaitaasan. Kinakatawan ng mga ito ang mga manggagawang Pilipino na patuloy na naglilingkod sa mga mamamayan at sa bayan.

Kabilang dito sina Dr. Anne Clarisse Carlos (ER resident doctor), Joan Chi (head dietician), Andrian Artoz (housekeeping), Jemar Sali (cardio technologist) Efren Gonzalez (orderly), Irene Franco (nursing services), Kristine Santos, (ER nurse), Maria Liza Artillaga (nurse), Maricel Caña (ER admin), at Dr. Aisler Ibana (ER doctor)

Tampok din sa video sina Karen Orlina (nurse training officer), Angela Victoria Guerrero (rad tech), Monika Silvestre (medical technologist, Robert Usita (senior nurse), Katrina Amorante (nurse), Diane Galindez (nurse assistant) Ruby Anne Velitario (medical technologist) at Gilbert Tanon (nurse assistant)

Makikita rin sina Herbert Ryan Costales (security chief supervisor) PCpl. Edelbert B. Malinay, PSSc. Deborah Zabrina Lajom, at April Calimag (nurse).

Sila ay ilan lamang sa mga “payong na hindi natitiklop”, “sinasandalang dingding,” at “bubong na kumukupkop” na ginamit na paglalarawan ni Hornilla sa kaniyang tula.

Imahe mula sa Facebook page ni Kathryn Bernardo

Ang kanilang pag-ibig ay “pananatiling paglilingkod nang tapat.” Ang hawak nilang “liwanag” ay nagsisilbing pag-asa para sa ating mga nananatili sa bahay at nagdarasal na matapos na ang paglaganap ng mapaminsalang sakit.

Muli, maraming salamat po sa lahat ng magigiting na frontliners.

Maaaring mapanood ang video sa ibaba:

 

View this post on Instagram

 

Isang lubos na pasasalamat para sa ating mga frontliners. Para sa amin, #KayoAngBituin. ? (Written by Carlo Hornilla for @met_tathione) . . “Bituin” Pag-ibig ang pananatiling paglilingkod nang tapat Sa pagsapit ng dilim na kaylalim at kaylawak Ang nagsisilbing pag-asa ay ang liwanag ninyong hawak. Tila ang bawat isa’y mga talang, hindi man namin tuluyang mahawakan at mayakap, Natatanaw namin ang inyong pagkislap. Panalangin naming hindi kayo mapundi. Hinihintay namin ang inyong pag-uwi. kayo ang payong na hindi tumitiklop. Kayo ang sinasandalang dingding. Kayo ang bubong na kumukupkop. Kayong piniling mawalay sa mga mahal sa buhay. Nais naming sumaludo. Nais naming pumalakpak. Kayong mga nag-aalay ng buhay, Kayo ang aming mga bituin.

A post shared by Kathryn Bernardo ? (@bernardokath) on

Loading…