Nalilito ka rin ba sa mga gulay? Narito ang ‘Palengke Guide para sa mga Alay’

Imahe mula sa Facebook | Go Philippines
  • Nalilito ka rin ba sa pagkakaiba ng ilang mga gulay?
  • Naglabas ng ‘Palengke Guide para sa mga Alay’ ang isang Facebook page upang ipakita sa netizens ang pagkakaiba ng mga magkakamukhang gulay
  • Ikinatuwa ito ng mga netizens na nagsabing ise-save at kakabisaduhin na nila ito

Isa ka ba sa mga mister na tinaguriang “alay” o yung mga naatasang lumabas upang bumili ng mga pangangailangan sa bahay ngayong may umiiral na enhanced community quarantine? Napagagalitan ka ba ni misis dahil maling gulay ang nabibili mo?

Imahe mula sa Facebook | Go Philippines

Ito ang dahilan kung bakit naglabas ng “Palengke Guide para sa mga Alay” ang Facebook page na “Go Philippines,” kung saan ipinakikita nila ang pagkakaiba ng mga gulay na magkakamukha.

“Madalas ka bang napapagalitan ni misis dahil sa mali maling bili ng gulay? ‘Wag ka nang mag-alala heto ang ‘Palengke Guide para sa mga Alay’ para iwas away,” anila sa kanilang post.

Ilan sa mga inilista nila rito ay ang bataw at patani; upo at kundol; mustasa at pechay; sitaw at Baguio beans; at broccoli at cauliflower.

Sa dulo ay may bonus items din na “alcohol na nakalilinis” at “alcohol na nakalalasing” at “napkin, isang balot” at “napkin at isang balut.”

Imahe mula sa Facebook | Go Philippines

Bumenta naman ito sa netizens na sinabing makatutulong ito sa susunod na palengke trip nila. “Useful ‘to, ha. Lagi akong nagkakamali lalo pa at hindi ko alam ang Tagalog ng ibang mga gulay,” ani Ronald T.

Ang ilan, kaniya-kaniya ring tag sa kanilang mga mister upang pag-aralan ang mga nasa larawan. “Ayan, i-save mo na sa phone mo,” komento ng isang netizen.

Ikinatuwa rin ng ilan ang humor sa huling mga larawan. “I love how they started out all serious and got funnier in the end,” ani Nike C.

“Kaaliw talaga ang sense of humor ng mga Pinoy. Ang galing galing mag-isip tapos in the end may patawa talaga,” ani Xhine A.

Source :

Facebook

Loading…