Netizen gumawa ng spaghetti na “dinuguan” ang sauce

  • Kakaiba ang nilutong pagkain ng isang netizen
  • Ginawa niyang sauce sa Italian food na spaghetti ang sikat na ulam na dinuguan
  • Tinawag ito ng ilang netizen na “Dark Carbonara”

Dahil sa Enhanced/General Community Quarantine, marami sa mga netizens ang naiinip na sa kani–kanilang mga tahanan, kaya ang ilan ay kung ano–ano ang gimik ang ginagawa at pinagkakaabalahan; kung hindi nanonood ng mga movies at mga videos online, gumagawa ng sariling video o vlogs, o kaya naman ay tumutuklas ng mga bagong resipi, o kakaibang “touch” pagdating sa pagkain.

Kaya naman, kinaaliwan ng mga netizens ang Facebook post ng nagngangalang “Prince Quilang” matapos niyang ibahagi ang kaniyang resipi: pinagsama niya sa isang dish ang sikat na Italian food na “spaghetti” at isa sa mga ipinagmamalaki nating Pinoy cuisine na “dinuguan”. Ang resulta? Spaghetti with dinuguan sauce!

Imahe mula sa Facebook account ni Prince Quilang / Public Domain Image

Ayon sa caption ng Facebook post, “Wala ng sauce ng spaghetti pero may dinuguan naman hehehe.” Kakaiba ito sapagkat sanay ang mga Pilipino na inuulam lamang ang dinuguan sa kanina, o kaya naman ay ipinapareha sa puto.

Umani naman ito ng iba’t ibang reaksyon at komento mula sa mga netizens.

“Lakas tama naman ng gumawa nito. Hehe. Pero infairness, curious ako kung ano ang lasa, pero hindi ko maimagine kung gagawin ko rin,” sabi ng isa.

Pahayag naman ng isa, “Parang yung Korean noodles na black ang sauce hahaha, ano ba naman iyan…”

At may itinawag naman dito ang isa pa, “Mukhang kakaiba nga. Ang tawag diyan ‘Dark Carbonara’ hehehe why not hindi ba?”

Ang dinuguan o blood stew sa Ingles ay isang uri ng ulam na kulay–itim, at ang pangunahing sangkap ay karne, mga lamanloob, at dugo ng baboy. Idagdag pa rito ang iba pang mga sangkap na magpapalabas ng lasa nito, tulad ng bawang, asin, siling berde, at suka.

Public Domain Image

May iba’t ibang katawagan ang dinuguan sa iba’t ibang mga lalawigan, tulad ng “sinugaok” sa Batangas, “zinagan” sa Ibanag, “twik” sa Itawis, “tid-tad” sa Kapampangan, “dinardaraan” sa Ilocano, “dugo-dugo” sa Cebuano, “rugodugo” sa Waray, “sampayna o champayna sa Hilagang Mindanao, at “tinumis” sa Bulacan at Nueva Ecija.

Loading…