Apat na dayuhan pinuna sa paggamit ng salitang “Barkada” sa kanilang bar business

  • Inakusahan ng “cultural appropriation” ang apat na negosyanteng Amerikano
  • Ginamit kasi nila ang salitang “Barkada” bilang pangalan ng kanilang ipinatayong modern wine bar sa USA
  • Agad naman silang humingi ng tawad sa mga nagreklamong Pilipino at iginiit na wala silang intensiyong masama

Hindi natuwa ang mga Pilipino at Filipino-Americans sa ibang bansa nang makita nila ang pangalan ng modern wine bar na “Barkada” na pagmamay-ari ng mga Amerikanong sina Anthony Aligo, Nick Guglietta, Nathan Fisher at Sebastian Zutant sa Washington D.C. sa Amerika.

Ang salitang barkada sa Pilipinas ay nangangahulugang tropa o grupo ng mga magkakaibigan, na kadalasang nagsasama-sama sa mga bonding moments.

Imahe mula sa Instagram account ng Barkada

Habang ang mga customers ay nasiyahan sa halos 6o uri ng wines na isinisilbi nila, marami naman sa mga Pilipinong naninirahan doon ang hindi natuwa. Tinawag nila itong “cultural appropriation.” Nanawagan silang palitan ng mga may-ari ang pangalan nito dahil misleading umano ang kontekstong ipinahihiwatig nito para sa mga Pilipino. Hindi raw matatagpuan sa Pilipinas ang mga wines na itinatampok nila.

“I thought it was going to be a Filipino bar and then realized there was nothing Filipino about it. Disappointed,” sabi ng isa.

Panawagan naman ng isa, “Change your name. It’s misleading.”

“Cultural appropriation doesn’t taste good, change your name,” pahayag at susog naman ng isa.

Pinuna rin ng mga Pilipino na kung salitang Filipino ang ginamit sa naturang wine bar, inaasahan nilang magtatampok din ito ng iba pang mga pagkaing Pilipino na nagsisilbing pulutan o partner na kutkutin sa inuman.

Kung may mga pumuna, may mga nagtanggol naman sa paggamit ng salitang barkada bilang pangalan ng isang negosyo. Una nilang punto, ang salitang barkada ay hiram na salita lamang din naman mula sa salitang Espanyol na “barcada.” Isa pa, wala raw umano itong kinaiba sa paggamit ng mga salitang banyaga sa Pilipinas, katulad halimbawa ng “Nena’s Eatery” at marami pang iba.

Imahe mula sa Instagram account ng Barkada / Public Domain Image

“It’s actually nice to have a bar called ‘Barkada’ because it was started by a group of close-knit friends – that’s exactly what a barkada is,” pahayag ng isa.

Turan naman ng isa, “Don’t change your name. I am a proud Filipino! I don’t see any negativity on it!”

“This word entails the Filipino values for being friendly, hospitable, and generous. All of you speaking up against this are the complete opposite of that. While you are defaming them with your personal issues, you are depriving them the chance to peacefully serve food and drinks to their local community,” saad naman ng isa.

Samantala, ipinaliwanag naman ng mga may-ari ng modern wine bar ang dahilan kung bakit nila pinili ang salitang barkada bilang pangalan ng kanilang negosyo, na makikita sa kanilang mga social media accounts. Humingi rin sila ng paumanhin sa mga nasaling ang damdamin at pananaw tungkol dito. Wala raw silang anumang masamang intensiyon.

“It was never our intention to appropriate or capitalize on the Filipino culture and fell short on engaging the Filipino community… Barkada is a beautiful word with a deep meaning — friendship,” paliwanag nila.

Imahe mula sa Facebook/ Instagram account ng Barkada

Bilang Pilipino, anong palagay mo hinggil dito?

Loading…