- Inamin ni Alessandra de Rossi na paubos na ang kaniyang pera sa bangko
- Mayroon na lamang umano siyang P18,000 sa kaniyang bank account
- Ito raw ang unang pagkakataon na hindi niya alam ang mga sagot sa tanong na bumabagabag sa kaniya
Si Alessandra de Rossi ay isa sa mga artistang kilala sa pagiging prangka at sinasabi kung ano ang nararamdaman at ito ang isang bagay na nagugustuhan sa kaniya ng kaniyang mga tagahanga.
Kailan lamang ay ibinahagi ni Alessandra sa isang panayam na ibinebenta na niya ang isa sa kaniyang kotse dahil sa kawalan ng project. Ayaw pa niya umanong tumanggap ng mga offers dahil sa takot na mahawa sa COVID-19.
Sa panayam naman sa ‘Usapang Real Life with Luchi Cruz-Valdez’ nitong weekend, inamin muli ni Alex na nauubos na ang kaniyang ipon sa bangko.
“Of course, financially, walang pumapasok. ‘Yung bank account ko right now is pa-bankrupt na. I only had P18,000 in my account…” ” lahad ni Alex na hindi mawari kung nagbibiro lamang.
Ibinahagi rin ng premyadong aktres na nagkasakit ang kaniyang ama sa Italya na isa rin sa kaniyang inaalala ngayon.
BASAHIN: Alessandra ‘di pa rin tumatanggap ng project; nagbenta muna ng sasakyan…
“At the same time, sabay-sabay naoospital ang mga tao for many many reasons. My father was hospitalized lately. Naka-tatlong operations siya…” kuwento ng aktres bagama’t nilinaw nitong hindi naman COVID ang dahilan ng karamdaman ng kaniyang ama.
Dahil sa sunod-sunod na hamon sa buhay, ito umano ang unang pagkakataon na hindi niya alam ang mga sagot sa tanong na bumabagabag sa kaniya.
Kasi, ako si ‘Miss O, Anong Problema?’ OK, let’s fix this. OK, gagawa tayo ng paraan. What if ganito, what if ganyan? What if ganyan?” anito “It’s the first time in my life that I don’t have the answers.”
Bago pa man ang lockdown, inamin na dati ni Alessandra na anim na shows at tatlong pelikula ang kaniyang tinanggihang gawin noong nakaraang taon dahil sa ‘pangit na mensahe’ nito.
Nabanggit din ng “Through Night and Day” star na kaya siya hindi masyadong visible sa showbiz ngayon ay dahil ‘choosy’ siya.
Panoorin ang bahagi ng panayam kay Alex:
