Alaga bantayan naman: Delivery rider hinabol ng aso, napaakyat sa gate

Image capture of video shared by Pilyong Meme via Facebook
  • Delivery rider na magde-deliver ng produkto, hinabol ng mga aso
  • Napaakyat ito sa gate ng bahay dahil sa takot
  • Pinapayuhan ang mga tumatangkilik sa mga delivery services na bantayan ang mga alaga para naman hindi makaperwisyo

Hindi matatawaran ang sakripisyo ng mga delivery riders para makapaghatid ng mga produkto sa ating mga tahanan. Kanilang tinitiis ang mainit na sikat ng araw o lamig ng ulan, depende sa panahon, para mapagsilbihan tayo.

Mahalaga ang kanilang serbisyo lalo na ngayong may pandemya. Kaya naman, pakibantayan ang mga alaga sa bahay kung may inaasahang darating na rider.

Image capture of video shared by Pilyong Meme via Facebook

Trending sa social media kamakailan ang bidyo ng isang delivery rider na tinahulan at inangilan ng aso sa labas ng bahay ng may-ari na pagdadalhan ng produkto. Mabuti na lamang at kagyat itong nakaisip na umakyat sa gate ng bahay nang sa gayon ay hindi maabutan ng mga furry animals.

Mababakas sa mga kilos ng lalaki ang labis na takot at pagkabigla nang makita ang asong pasugod; kasabay ng pagtahol nito. Nanginginig pa ito sa nerbiyos. Sino ba naman ang hindi matatakot sa kagat ng aso?

Ayon sa World of Buzz, kasamahan ng delivery guy ang nagvideo na tila nasa loob ng kanilang sasakyan.

Sa pagpapatuloy ng bidyo naman ay dumating na ang may-ari ng bahay.

Marahil ay hindi ina-anticipate ng may-ari ng bahay ang pagdating ng rider nang mga panahong iyon, pero sa mga nakaaalam at tinatawagan pa ng magde-deliver ay pakibantayan po ang mga alaga para hindi makaperwisyo.

Magsilbi sana itong paalaala sa atin ngayon lalo na sa mga palaging gumagamit ng delivery services. Alalahanin; mahal magpaturok at tiyak na kayo ang sasagot niyan.

Image capture of video shared by Pilyong Meme via Facebook

Bumuhos naman ang atensyon sa bidyo na ibinahagi ng Pilyong Meme Facebook page sa social media na nakalikom na ng higit 36,000 reaksyon at nasa 2,600 komento.

“Hindi biro ‘yan, nagtatrabaho nang maayos ‘yung delivery man. Dapat ayusin nila mga alaga nila,” ang komento ng isa.

I-CLICK ANG IMAHE PARA MAPANOOD ANG BUONG VIDEO na ibinahagi ng Pilyong Meme page via Facebook

Loading…