Pilipinas hinirang bilang “leading beach and dive destination” sa Asya ngayong 2020

Imahe mula sa DOT
  • Pilipinas humakot ng mga awards sa 27th World Travel Awards
  • Kinilala ang Pilipinas bilang Asia’s Leading Beach Destination para sa taong 2020
  • Ang bansa rin ang itinanghal na “Asia’s Leading Dive Destination 2020”

Kinilala sa 27th World Travel Awards ang Pilipinas bilang Asia’s Leading Beach Destination at Asia’s Leading Dive Destination para sa taong 2020.

Imahe mula sa WTA

Idineklara din ng naturang award-giving body ang Department of Tourism (DOT) ng bansa bilang Leading Tourist Board sa buong Asia ngayong 2020. Dinaig ng Pilipinas ang labing-isang nominadong bansa sa naturang rekognisyon.

Ikinasiya ni DOT Secretary Bernadette Romulo-Puyat ang pagkilalang iginawad ng World Travel Awards na aniya ay nagbigay ng inspirasyon sa industriya ng turismo lalo na’t nagsisimula nang buksan ang mga tourist destinations sa bansa.

“We are truly honored and thankful for the accolades given to the Philippines at the 2020 World Travel Awards Asia. These recognitions are certainly an inspiration to the industry as we safely and gradually reopen our destinations for tourism,” ani Sec. Romulo-Puyat.

“These would not be possible without the combined efforts from our tourism stakeholders, local government units, partner agencies, and our fellow Filipinos who have tirelessly promoted our country’s attractions, products and culture,” dagdag pa niya.

Imahe mula sa DOT

Ito na ang ikaapat na beses na mapanalunan ng Pilipinas ang “Asia’s Leading Beach Destination” award at ikalawa naman para sa “Asia’s Leading Dive Destination.”

Ikalawang beses na ring nasungkit ng DOT ang “Asia’s Leading Tourist Board” award.

Bukod sa tatlong major awards na nabanggit, kinilala rin bilang “Asia’s Leading Island Resort 2020” ang Amanpulo; “Asia’s Leading Serviced Apartments 2020” ang Ascott Bonifacio Global City; at “Asia’s Leading Tourist Attraction 2020” naman ang Intramuros.

Imahe mula sa DOT

 

Loading…